من اللي ضحك عليــك ؟!!
ღ▬▬▬▬▬▬▬▬▬ღ
ღ
ღ
ღ
مين اللى ضحك عليك وفهمك انك
(( حـــــــــــــــــر ))
تعمل اللى انت عايزه فى الوقت اللى انت عايزه
سامعك بتقول ايه؟؟؟
بتقول : اه طبعا أنا حـــر فى كل تصرفاتي
وبتقول كمان : انت عارف أنا عندى كام سنة
بس أنا بقي هرد وأقولك
ايه يعني !!!
اه وايه يعني !!!
انت عمرك ماكنت حر ولا هتكون حر أبدا مهما كبرت
هتقول اني غلطان ..... صح
هقولك لأ مش غلطان انت فعلا مش حر فى أى حاجة بتعملها
لأنك ببساطة عبد وابن عبد كمان
سامعك بتقول ايه
بتقول ايه ياعم اللى انت بتقوله دا.. ازاى يعني الكلام دا؟؟؟
هقولك لأن ربنا خلقنا كدا
((عبيـــــــد ))
يعني أنا وأنت وكل البشر ربنا خلقنا عشان نكون عبيد له
ربنا خلقنا عشان نعبده ونطيع أوامره ونجتنب نواهيه
عرفت بقي انك عبد لله وابن عبد لله
يعني مينفعش لما أسألك انت ليه بتعصي ربنا ؟؟؟
تقولى : وانت مالك أنا حــــر
مينفعش لما أسألك انت ليه مبتصليش ؟؟؟
تقولي : أنا حــــــر
مينفعش لما أسألك انتِ ليه مش محجبة ؟؟؟
تقولي : أنا حـــــرة ودي حرية شخصية
مينفعش لما أسألك انت ليه عاق لوالديك؟؟؟
تقولى :وانت مالك أنا حــــــر
فـــــووووووووووووووق
انت كدا بتضحك على نفسك لأنك عـــبد ومش حـــر فى معصيتك لله
ربنا خلقك عشان تعبده يبقي لازم تعبده زي ماأمرك وبالطريقه اللى
أراد ربنا انك تعبده بها يعني لازم تكون الطريقة دي بالاتباع
للرسول (صلي الله عليه وسلم ) ولخير الناس من الصحابة وسلف الامة
الذين اتبعوهم بإحسان مش زي ماأنت عايز
يعني لازم نطيع ربنا زي ماأمرنا بالضبط ونعبده حق عبادته
مش نمشي على هوانا ومزاجنا ونخترع ونألف
يعني الخلاصة أن ربنا هو اللى خلقنا وأننا عبيـــــــد لله مقيدين بقيود الطاعة
لما أمرنا الله به واجتناب مانهانا الله عنه
يعني سيبك بقي من ثقافة أنا حــــــر دي اللى هتوديك فى داهية
واستسلم لعبادة الله
وزي ماقال شيخنا الفاضل محمد حسين يعقوب
((القلوب اذا أحبت استسلمت ))
يعني لو صدقت فى حبك لربنا هتستسلم لعبادته ولأوامره
اللهم اجعلنا مستسلمين لك ولأوامرك
اللهم ارزقنا حسن عبادتك على الوجه الذى يرضيك عنا
اللهم انا نسألك حبك وحب من أحبك وحب كل عمل يقربنا الى حبك
اللهم ارزقنا الاخلاص فى القول والعمل
الرئيسية 